Universitetet/ Ministria e Arsimit firmos vendimin: Ja kur nis viti i ri akademik 2020-2021
Ministria e Arsimit ka firmosur vendimin për nisjen e vitit të ri akademik 2020-2021.
Viti i ri universitar 2020-2021 do të fillojë më datë 2 nëntor, ndërsa për shkak të COVID, do jetë një vit ndryshe nën një protokoll të rreptë masash.
Urdhri për caktimin e vitit akademik në të gjithë institucionet e arsimit të lartë në vend është firmosur nga ministrja Evis Kushi.
Po ashtu ministrja i kërkon IAL-ve të dërgojnë të gjithë listën e studentëve të regjistruar sipas programeve të studimit dhe fakulteteve përkatëse.
Ndërkohë vijon faza e dytë e përzgjedhjes së universiteteve nga ana e maturantëve.
