Votimi i Kodit Zgjedhor/ Meta: Ftesë për rikthim në diktaturë!

Presidenti Ilir Meta ka reaguar ashpër pas miratimit në Kuvend të ndryshimeve në Kodin Zgjedhor, që u bënë pa konsensusin e opozitës jashtëparlamentare.

I ftuar në emisionin “Tempora”, Meta e konsideroi votimin e Kodit “një ftesë për rikthim në diktaturë”.

Ai e interpreton këtë veprim të maxhorancës si një përpjekje të qëllimshme “për ta nxjerrë vendin nga shinat Evropiane”.

“Marrëveshja është shkelur sepse nuk ka ndodhur që rregullat e lojës që të vendosen nga vetëm një palë, sepse mazhoranca nuk është e përjetshme. Kodi Zgjedhor është vendosur gjithmonë me konsensus më parë, se nuk po flas me këtë farë parlamenti. Kjo nuk është më demokraci, por një ftesë për rikthim në diktaturë.

Kjo është një përpjekje e qëllimshme për ta nxjerrë vendin nga shinat Evropiane. Pasojat e kësaj historia janë që vendi ynë ka qenë para Serbinë dhe Malit të Zi, ndërsa sot dihet se ky është Serbia dhe Ky është Shqipëria. Nuk bëhet fjalë që negociatat të mos hapen as pas zgjedhjeve.

Shqipëria është kryetare e radhës e OSBE-së dhe kryetari pengon ekspertizën e OSBE/ODHIR për zgjedhjet. Nuk ka situatë më absurde. Për KE negociatat duhet të ishin hapur një 3 herë deri më tani, por ata masin rezultate në terren”, tha Meta.