Me pelerinë, maskë dhe kapuç të zi, Rama inspekton punimet e rindërtimit në Fushë-Krujë (VIDEO)

Kryeministri Edi Rama, i shoqëruar nga kryebashkiaku i Krujës, Artur Bushi, inspektoi nga afër punimet për ndërtimin e banesave për familjet që kanë mbetur pa shtëpi nga tërmeti i 26 nëntorit.

Vihet re që gjatë inspektimit kryeministri nuk ka preferuar të mbajë çadër, por vetëm një mushama me kapuç, ndërsa mbante në fytyrë një maskë të zezë më lule të kuqe.

Ndërsa, kryebashkiaku Bushi shihet me çadër në dorë.

Postimi i Ramës

Në kantierin e lagjes së re, ku pas përfundimit të infrastrukturës, ka nisur puna për ndërtimin e banesave individuale për familjet e mbetura pa shtëpi në natën tragjike të 26 nëntorit dhe së shpejti nis puna edhe për pallatet e reja

15 pallate banimi me 100 apartamente, 128 shtëpi individuale, shkolla, qendra shëndetësore, zyra shërbimesh publike, zona të gjelbërta si edhe një treg modern për produktet e zonës, do të shtrihen në 10 hektarë tokë dhe do të ndryshojnë rrënjësisht cilësinë e jetës së fëmijëve, prindërve, gjyshërve, që së shpejti do të banojnë në lagjen e re. Qentë le të lehin karvani do të ecë më shpejt përpara.