Fotot që tregojnë qartë tmerrin pas tërmetit të fuqishëm në Turqi

Rreth 27 persona gjetën vdekjen në Turqi dhe Greqi kur një tërmet i fuqishëm goditi Detin Egje të premten pasdite, duke shembur ndërtesa dhe duke shkaktuar atë që autoritetet e quajtën “mini cunami”.

Sipas mediave të huaja, zyrtarët thonë se 25 njerëz ndërruan jetë vetëm në Turqi, derisa dy adoleshentë, një djalë dhe një vajzë vdiqën në ishullin grek të Samos pasi një mur u shemb mbi ta.

Të paktën 20 ndërtesa u shkatërruan në qytetin e Izmirit, bazuar në deklaratën e Kryetarit të Bashkisë, Tunc Soyer.

Imazhet e publikuara deri më tani treguan se si automjetet u shtypën nën ndërtesa, derisa njerëz gërmonin nëpër rrënoja në kërkim të të mbijetuarve.