Berisha pranon që votoi pro raportit të Dick Marty, për të inkriminuar Hashim Thaçin dhe luftën e UÇK
Ish-kryeministri Sali Berisha ka pranuar publikisht pyetjes së kryeministrit Edi që e votoi raportin e Dick Marty për luftën e UÇK.
Në një lidhje me “Skype” për News24, Berisha tha se hetimi ishte kërkuar nga udhëheqja e Kosovës, SHBA, BE dhe të gjithë partnerët dhe se kundërshtimi i këtij hetimi do të thoshte marrje përsipër e fajësisë.
“Mos i qeshtë buza tradhtarit të kombit, argatit të Beogradit. Ajo rezolutë kërkonte hetim dhe hetimi është kërkuar nga vetë udhëheqja politike e Kosovës.
Qeveria Berisha votoi pro raportit të Dick Marty, çfarë tha Damian Gjiknuri në Asamble
I them këtij tradhtari se hetimi është kërkuar nga SHBA, BE, të gjithë partnerët dhe kundërshtimi i hetimit do të thotë marrje përsipër e fajësisë, në ato kushte. Do të ishte hetimi që do të provonte pafajësinë. Mbi bazën e rezolutës për hetimin, Kosova ka votuar në parlament ligjin për gjykatën. BE ka rënë dakord me Kosovën për ngritjen e gjykatës së Kosovës në Hagë.
I them vasalit të Vuçiç, tradhtarit që donte të ndante Kosovën dhe që po fal detin në Greqi, mos i qeshtë buza, se ka buzë të ngrirë. Gjatë qeverisë së tij dhe gjatë qeverisë sime, në Shqipëri janë zhvilluar hetime intensive. Është një marrëveshje në parlamentin shqiptar për të lehtësuar cdo hetim, së pari në asnjë rast nuk më shkon ndërmend të marr në mbrojtje krime lufte. Unë jam i vetmi shqiptar që e kam denoncuar raportin e Dick Marty në OKB, e kam denoncuar atë në çdo samit, por s’i jam kundërvënë një kërkese të vendosur ndërkombëtarisht për hetimin e raportit”, tha Berisha.
Ndërsa pyetjes se në ç’pozita e sheh sot Hashim Thaçin, Berisha u përgjigj: “Unë cdo të akuzuar e quaj të pafajshëm, derisa të provohet akuza. Uroj me gjithë zemër më të mirën për zotërinjtë, të cilët ndodhen sot në Gjykatën e Hagës, dhe në besimin tim, pa një motiv të qartë të arrestuar, sepse mund të ndiqeshin secili në gjendje të lirë, pasi asnjëri nuk do të arratisej askund, nuk dua të ngatërroj qëndrimin tim politik, që nuk i heq asnjë presje, me qëndrimin ndaj akuzave, pasi kam bindjen e thellë se as ai, dhe as bashkëpunëtorët e tij, nuk janë të implikuar”.