Ministri i Jashtëm rus telefonon Ramën: OSBE me standarde të dyfishta për Bjellorusinë

Ministri i Jashtëm i Rusisë, Sergej Lavrov, ka zhvilluar një bisedë telefonike me kryeministrin Rama gjatë ditës së sotme.

Lavrov dhe Rama kanë shkëmbyer këndvështrime dhe mendimet e tyre për gjetjen e zgjidhjeve për të kapërcyer krizën institucionale në OSBE.

Në njoftimin e saj ministria e jashtme ruse, thekson se Lavrov ka vënë në dukje se Moska tërheq vëmendjen për korrektësi në lidhje me zhvillimet në Minsk.

“Përfundimet e arritura nga Wolfgang Benedek janë të njëanshme dhe joprofesionale. Ai ka paraqitur rekomandime të papranueshme politike që janë përtej autoritetit dhe kompetencës së institucioneve dhe mekanizmave të OSBE-së. Shembulli i tij, i ka bërë standardet e dyfishta. Ato po minojnë besimin në OSBE”, ka thënë Lavrov.

Rama dhe Lavrov kanë diskutuar edhe përgatitjet për takimin e Këshillit Ministror të OSBE në Tiranë, i cili do të mbahet më datën 3-4 dhjetor të këtij viti, përmes videokonferencës.