Naftëtarët e Ballshit pranojnë ofertën e Ramës, kryeministri: Brenda 48 orësh takohemi sërish

Naftëtarët e Ballshit kanë pranuar ofertën e kryeministrit Edi Rama. Kjo ka ndodhur pas takimit që zhvilloi kreu i qeverisë me ta ditën e djeshme, ku u propozoi fillimisht një pagë deri në gjetjen e një zgjidhje për rifillimin e punës në rafineri.

“Jam i kënaqur që naftëtarët e pranuan propozimin e qeverisë. I falenderoj për mirëkuptimin dhe besimin. Tani e ka radhën qeveria të kalojë nga mbështetja parimore në mbështetjen financiare. Pa humbur kohë. Brenda 48 orësh do takohem përsëri me përfaqësinë për të kaluar në veprim!” shkruan Rama.

Kreu u sindikatës së naftëtarëve, Sokol Dautaj bëri të ditur se për pagat e prapambetura do të vijojë rruga gjyqësore.