69-vjeçari u hodh nga kati i 3 i spitalit, Manastirliu bën thirrje: Të bëhemi bashkëpunëtorë në këtë betejë

Gjatë një komunikimi me mediat, ministrja e Shëndetësisë dhe Mbrojtjes Sociale, Ogerta Manastirliu, reagoi në lidhje me ngjarjen që ka ndodhur ditën e sotme në Spitalin e Infektivit, ku një pacient tentoi që të vetëvritej. 69-vjeçari u hodh nga dhoma e tij.

Për këtë, ministrja tha se të gjithë pacientëve në spital po u shërbehet me përkushtim nga stafet mjekësore.

“Dua të shpreh keqardhjen time të thellë, per nje ngjarje te rende, te ndodhur ne spitalin infektiv. Stafi Mjekesor eshte duke u kujdesur per pacientin qe ka tentuar aktin tragjik.

Ju siguroj që po kryhen të gjitha hetimet dhe verifikimet. Qytetarit dhe 120 qytetarë të tjerë që po marrin shërbim në Spitalin Infektiv, nuk u ka munguar asgjë. Shërbimin mjekësor e kanë marrë dhe do të vazhdojnë ta marrin nga mjeket dhe infermieret që janë në frontin e luftës me një armik të padukshëm për më shumë se 8 muaj” tha Manastirliu.

Ministrja e Shëbedtësisë gjatë komunikimit me gazetarët ka pasur një thirrje për mediat që të bashkëpunojnë në këtë betejë duke ofruar informacione të vlefshme për publikun.

“Të bëhemi bashkëpunëtorë në këtë betejë, ku më shumë se kurrë ka nevojë për informacione të vlefshme për publikun dhe për të kontribuar të gjithë bashkë që ta përballojmë këtë situatë të pazakontë që ka pushtuar botën mbarë, duke mbështetur armatën tonë të mjekëve dhe infermierëve dhe nëpërmjet tyre duke kontribuar në një të mirë të përbashkët të mbrojtjes së shëndetit publik. Rruga e duhur për të mbrojtur njerëzit që besoni se përfaqësoni, është bashkëpunimi për hir të shëndetit të popullatës, dhe jo shfrytëzimi i saj për të fituar ndonjë pikë aty-këtu”, ishte apeli i Manastirliut.