Sa zgjat mbrojtja, pse nuk funksionin për 10% të njerëzve? 6 pyetje kryesore në lidhje me vaksinën Pfizer

Shpresat se fundi i pandemisë së koronavirusit është afruar, janë rritur pasi lajmit se një vaksinë e koronavirus u gjet të ishte 90% efektive në provat globale.

Megjithëse ka një arsye të caktuar për të qenë optimist, ekspertët kanë paralajmëruar që të dhënat nga provat e kryera nga Pfizer dhe BioNTech nuk janë përfundimtare dhe mbeten ende shumë të panjohura.

Sa e sigurt është vaksina?

Kompanitë kanë thënë se deri më tani nuk janë shfaqur “shqetësime serioze të sigurisë”, por ato do të vazhdojnë të mbledhin të dhëna.

Ka disa efekte anësore, si ethe,  që janë mjaft të zakonshme me vaksinat, vuri në dukje Paul Hunter, profesor në mjekësi në Universitetin e Anglisë Lindore.

Duke qenë se ky është një lloj i ri i vaksinës që përdor teknologjinë e quajtur mARN që nuk është aprovuar deri më tani për përdorim tek njerëzit, nuk është e pamundur që dikush mund të jetë alergjik ndaj një përbërësi të tij, tha ai.

A mundet vaksina të parandalojë sëmundjen e rëndë?

Studimi është krijuar për të zbuluar nëse vaksina mund të mbrojë nga sëmundja e rëndë Covid-19, ka thënë Pfizer, por të dhënat nuk janë bërë ende publike.

“Ajo që mund të themi është se vaksina ndaloi infeksionin simptomatik, por ekziston pasiguri për infeksionin asimptomatik,” tha Hunter. “Por ne shpresojmë që ta mësojmë këtë ndërsa ecim përpara.”

A e pengon vaksina transmetimin?

Nuk është ende e qartë nëse vaksina mund të mbrojë ose jo nga infeksioni i koronavirusit ose thjesht nga shfaqja e simptomave pasi të jeni infektuar.

“Nëse po ndalon infeksionin, atëherë, sipas përkufizimit, duhet të ndalojë transmetimin nga një person tek tjetri”, tha Hunter.

“Nëse nuk merrni infeksion sepse jeni imunizuar nuk do të infektoni gjithsesi. Por, nëse ajo që po merrni është një infeksion asimptomatik, ekziston ende rreziku që mund të më infektoni, megjithëse pothuajse me siguri do të jetë shumë më i ulët sesa nëse jeni vërtet i sëmurë klinikisht. ”

A funksionon vaksina te të moshuarit dhe fëmijët?

Fëmijët mbi moshën 12 vjeç dhe të rriturit e moshës deri në 85 vjeç janë të përfshirë në provë, por të dhënat e ndara sipas moshës nuk janë publikuar ende, vuri në dukje Profesor Beate Kampmann, nga London School of Hygiene & Tropik Medicine.

Shumica e vaksinave nuk funksionojnë aq mirë tek njerëzit e moshuar, ashtu si veprojnë te të rinjtë. Kjo nuk është për t’u habitur pasi të moshuarit jo gjithmonë marrin një përgjigje imune efektive ose ndaj një infeksioni natyror, vuri në dukje Hunter.

Pse nuk funksionon për 10% të njerëzve?

Është e vështirë të thuash pse vaksina nuk funksionoi në ata pacientë pa e ditur se kush ishin ata, tha Dr Stephen Griffin nga Universiteti i Leeds.

“Vaksina do të veprojë në njerëz të ndryshëm ndryshe. Kështu që ju shpesh merrni nivele të ndryshme përgjigjesh brenda popullatave – mund të jetë që ata të gjithë ishin më të moshuar, ose mund të ishin nga një sfond racor tjetër, ose thjesht mund të ndodhte që kjo gjë të funksionojë vetëm nëntë herë nga dhjetë “, Tha Griffin.

“Derisa të jeni thelluar vërtet në hollësinë e të dhënave është e vështirë të kuptosh saktësisht pse disa njerëz përgjigjen dhe pse disa jo”

Sa zgjat mbrojtja?

Në përgjithësi, për të përcaktuar se sa zgjat mbrojtja, do të kërkohen studime pasuese për të zbuluar nivelet e të dy llojeve të përgjigjeve imune – antitrupave dhe qelizave T – si dhe çdo rrezik të ekspozimit të përsëritur.