“Shumë më thonë që je arrogant”/ Kryeministri Rama: Ndoshta edhe jam, por…
Kryeministri Edi Rama teksa ishte duke folur në ‘Real story’ për Bashën dhe akuzat ndaj tij, tha se kryedemokrati nuk është një lider, ndërsa ai po.
Rama u shpreh se që herët kur ishte student punonte me pasion dhe me mund për të arritur ëndrrën e tij.
Sipas Kreut të Qeverisë lider është ai që i bën ballë situatave dhe nuk fshihet pas të tjerëve, duke thumbuar kështu kundërshtarin e tij politik Lulzim Basha.
Rama: Shumë njerëz mendojnë se jam arrogant, nuk e di, mbase jam, por di që jam i gjithi me mish e me shpirt në këtë detyrë, jam me pasion, që nga sfida për të realizuar ëndrrën time si student pikture murale, dhe që rrija ditë e natë te Artet dhe që nuk shkoja në shtëpi e harroja të flija. Unë kështu i marr të gjitha sfidat dhe përballjet. Shumë më thonë pse del ti flet për të gjithë pse i merr të gjitha përsipër, këto mbeten për t’u diskutuar. Por unë di që një lider duhet të jetë i fortë, dhe kur është në majë dhe kur i rrëshqet këmba. Një lider udhëheq, nuk fshihet pas të tjerëve dhe nuk ndjek të tjerët.