Dita e Pavarësisë bën bashkë liderët e politikës, momenti kur Meta përshëndet nga larg Ramën (FOTO)

28 Nëntori ka bërë bashkë ditën e sotme presidentin Ilir Meta dhe kryeministrin, Edi Rama. Kreu i shtetit dhe kreu i qeverisë ishin të pranishëm në ceremoninë shtetërore të  zhvilluar në Vlorë me rastin e 108-vjetorit të Pavarësisë.

Ilir Meta dhe Edi Rama kanë marrë pjesë në ceremoninë e përvitshme të ngritjes së flamurit kombëtar, ndërkohë që vendosën edhe buqeta me lule në Monumentin e Pavarësisë, në sheshin e Flamurit.

Në fund të ceremonisë vihet re se si presidenti përshëndet me dorë kryeministrin dhe kryetarin e Bashkisë së Vlorës, Dritan Leli.

Në një koment të shkurtër për media kryeministri Rama uroi shqiptarët për Ditën e Flamurit, ndërsa përmendi edhe UÇK-në. Në këtë ceremoni ishte i pranishëm edhe kryetari i Kuvendit Gramoz Ruçi.