Gazetarja e pyet skulptorin sa e dëmtojnë skulpturat luftën e UÇK, ai i përgjigjet: Ça lidhje ka Skënderbeu me UÇK? Ish-kreu i Galerisë: Të hiqen urgjent ato shëmti (DEBATI)

Duket se debati për dy skupturat, atë të Skënderbeut dhe Adem Jasharit do të vazhdojë gjatë. Por në një lidhje të drejtpërdrejtë me FaxNews, ish-kreu I Galerisë së Arteve në Kosovë mbeti I habitur ndërkohë që gazetarja e pyet se si ndikojnë këto dy skulptura për luftën e UÇK.
“Ca lidhje ka Skënderbeu me luftën e UÇK-së?”, bën pyetjen retorike Fahredin Spahija i cili u gjet gati në befasi i kapur nga pyetja e gazetares, dhe vijoi të flasë për këtë pyetje për statujën e Adem Jasharin.
“Unë habitem sesi nuk e ka kundërshtuar nipi i Adem Jasharit që ishte present në ceremoni, si nuk reagoi ai për të hequr ato shëmti” tha ish-kreu i Galerisë së Arteve.
Spahija tha se autori I veprës së Skënderbeut ka fyer edhe inteligjencën e gjithë artistëve dhe opinionit public që ka reaguar lidhur me veprën. “Ai doli dhe na ofendoi të gjithëve si njerëz të paditur që s’kemi lidhje me kulturën” tha Spahija.
“Unë do reagoj se nesër kur të më pyesin nipat e mi, dhe të më thonë se si nuk reagove, dua ti them se unë fola. Dy shtatore tejet të shëmtuara po quhen si pasuri të qytetit, kjo është punë serioze dhe nuk duhet kaluar me kaq qetësi. Të bëjmë zhurmë tre katër ditë dhe pastaj të harrohet. Jo, institucionet duhet të merren seriozisht” tha Fahredin Spahija për faxnews.