Nga 300 mijë vende pune tek shëndetësia falas, LSI ‘numëron’ premtimet e pambajtura të Qeverisë Rama, Kryemadhi: T’ua kujtojmë njerëzve, në mënyrë që ata të gjykojnë vetë
Lëvizja Socialiste për Integrim ka publikuar një listë me 9 premtimet e pambajtura sipas tyre nga kryeministri, Edi Rama.
Ish ministrja e Integrimit, Klajda Gjosha kërkon llogari për premtimet e pambajtura për 300 mijë vendet e punës deri tek heqja e TVSH-së për ushqimet.
“Premtimet që sollën në pushtet Edi Ramën, përballë realitetit të trishtë të shqiptarëve!”, shkroi Gjosha.
Ndërkohë, postimi është shpërndarë nga kryetarja e partisë, Monika Kryemadhi.
Në mesazhin e saj, Kryemadhi i përgjigjet Gjoshës se kjo është e vërtetë, teksa shtoi se janë dhe shumë premtime të tjera që kryeministri Edi Rama nuk i ka mbajtur dhe që sipas saj duhet t’iu kujtohen qytetarëve që ata të gjykojnë vetë.
“Shumë e vërtetë Klajda! Janë jo vetëm këto 9, por edhe shumë premtime të tjera që ai nuk i ka mbajtur. Edhe dështimi që po shohim sot me Integrimin Europian ka ardhur si pasojë e tyre. Është mirë t’ua kujtojmë njerëzve, në mënyrë që ata të gjykojnë vetë mbi atë çfarë ai ka premtuar dhe çfarë ka realizuar për të mbajtur pushtetin”, shkruan Kryemadhi.
