Protestuesit e “bombarduan” me gurë, Kryeministria bën veprimin e papritur (FOTO)

Një orë pas tubimit të dhunshëm, ku protestuesit shkatërruan hyrjen e selisë së qeverisë dhe në prag të marshimit të radhës që është paralajmëruar po sonte, te Kryeministria janë marrë masat duke u vendosur mbrojtëset metalike te dyert.

E njëjta procedurë që ndodhi gjatë protestave të opozitës. Mbrëmjen e sotme protestuesit e mbledhur fillimisht te ministria e Brendshme dhe që më pas u drejtuan për te Kryeministria shkatërruan hyrjen, ndërsa më pas u drejtuan te drejtoria e policisë së Tiranës duke bërë të njëjtën gjë.

Protestuesit kërkojnë dorëheqjen e ministrit të Brendshëm, Sandër Lleshaj pas vrasjes ditën e djeshme të të riut Klodian Rasha nga një efektiv policie.