Britania ndalon rreptësisht testet e shpejta të COVID, ekspertët: Ndikojnë në përhapjen e COVID

Qeveria Britanike ka hequr dorë nga planet për të hapur qendrat e testeve të shpejtë të koronavirusit në të gjithë Anglinë gjatë Krishtlindjeve, mes shqetësimeve nga ekspertët e shëndetit publik për saktësinë e rezultateve të tyre.

Skema u ndal javën e kaluar pasi u ngritën shqetësime nga drejtorët e shëndetit publik në lidhje me saktësinë e testeve.

Zhvillimi është një goditje për planin e testimit masiv të Qeverisë së Mbretërisë së Bashkuar “Operacioni Moonshot” prej 100 miliardë paund, i cili synon të rrisë numrin e testeve të kryera çdo ditë nga 430,000 në 10 milion deri në fillim të vitit të ardhshëm.

Ai ngre gjithashtu pyetje në lidhje me planin për të testuar me shpejtësi shoferët e kamionëve që marrin mallra, e cila është një nga zgjidhjet e propozuara të qeverisë së Mbretërisë së Bashkuar për t’i dhënë fund përçarjes në portet e Britanisë.

Shifrat qeveritare nga programi i testimit masiv në Liverpool zbuluan në fillim të këtij muaji se testet humbën 30% të rasteve me një ngarkesë të lartë virale dhe gjysmën e rasteve pozitive që u zbuluan nga testet standarde të koronavirusit.

Sipas ekspertëve britanikë, këto teste do të jepnin siguri të rreme që do të çonte në përhapjen e mëtejshme të virusit.