VIDEO/ Braçe: Tradhtar nuk bëhesh kur do një tjetër, por atëherë kur do e firmos ti
Akuzat e opozitës për shitjen e detit
Zëvendëskryeministri Erion Braçe paraqiti përmes një videoje akuzat ndaj ish-kryeministrit Berisha për tradhti për ndarjen e kufirit detar.
Socialisti Braçe solli në vëmendje një kronikë te Zërit të Amerikës kur ish-kryeministri grek Kostas Karamanlis vizitoi Shqipërinë, në kohën kur ishte kryeministër Sali Berisha.
Në atë kohë, thuhet në kronikë, u nënshkrua marrëveshja mes ministrave të jashtëm, për përcaktimin e kufijve detare, por për përmbajtjen e saj nuk kishte informacion.
E gjitha kjo për Braçen është një tradhti kombëtare, që opozita e atëhershme, sot në qeveri e çoi në Gjykatën Kushtetuese.
“Tradhtia nuk tretet në fund të detit! Asgjë nuk harrohet! Tradhtar nuk bëhesh kur do një tjetër, por atëherë kur do e firmos ti”, shprehet Braçe.