“Kam rënë në hall me bajraktarët e kombit”, kur Podrimja i shkruante Dritëroit: Shqipëria mund të më ofrojë azil? Në veri ma grabisin Kosovën serbët
Vajza e shkrimtarit të njohur Dritëro Agollit, Elona Agolli, herë pas here zbulon në rrjetet sociale korrespondencën e babait të saj me të afërmit dhe miqtë e tij.
Së fundi, ajo ka zbuluar një letër që i ishte dërguar nga poeti i njohur Ali Podrimja, i cili i tregonte shqetësimet që e kishin brengosur.
Më poshtë “TemA” po përcjell letrën e plotë të Podrimës e nisur në 26 shkurt 2003.
“Letër e poetit dhe mikut Ali Podrimja , dërguar 26 shkurt 2003 …
I dashur Dritëro,
Ç’të bëj? Në veri ma grabisin Kosovën serbët ; në jug maqedonët, në Perëndim malazezët …
Vendlindja e Azem Shkrelit nuk është më nën jurisprudencën e Kosovës , po të Malit të Zi , ndërsa varri i Fahredin Gungës gjendet nën jurisprudencën e Serbisë …
E, unë ku të prehem?
Shqipëria , mund të më ofrojë azil? Kam rënë në hall me bajraktarët e Kombit. Nuk di ç’të bëj? …
Të qafon yt vëlla,
Ali Podrimja
26 shkurt 2003
Ulpianë”, mbllet letra e Podrimes. (TemA)
