Pas Borshit, shiu çan në mes rrugën në fshatin Myshqeta. Makinat të bllokuara, nuk kalojnë dot drejt Tiranës

Si pasojë e reshejve të dendura të shiut është çarë në mes rruga në fshatin Myshqeta të Tiranës.
Siç shihet dhe nga pamjet e siguruara nga Report Tv, rruga është dëmtuar shumë, çka bën të pamundur lëvizjen e makinave.
Deri sa rruga të rregullohet makinat nuk mund të lëvizin nga fshati Myshqeta në drejtim të Tiranës.
Gjithsej janë 25 familje që nuk mund të kalojnë me makinë nga kjo rrugë.
Banorët janë shqetësuar nga këto pamje dhe nuk dihet se kur do të ndërhyhet për ta bërë këtë segment rrugor të kalueshëm.
Ndërkaq kujtojmë se dëmet kanë qenë të mëdha gjatë këtyre ditëve dhe disa zona të vendit janë përmbytur.
Pak ditë më parë edhe rruga e Borshit ka pësuar çarje të mëdha, e cila ka sjellë revoltim të banorëve.