Meta apel qeverisë: Me bitumin e Selenicës u ndërtuan rrugët e Shqipërisë, por për të nuk ka. Të ndërtohet MENJËHERË!
Presidenti i Republikës së Shqipërisë, Ilir Meta prej ditësh është në një “luftë” verbale me Ministrinë e Financave dhe Ekonomisë, por dhe me kryeministrin Rama, lidhur me debatet e ashpra që po zhvillohen për rrugën Peshkëpi-Selenicë, për të cilën çdo palë ia hedh fajin palës tjetër.
Meta përmes një shënimi në rrjete sociale, thotë se mineralin e bitumit që ka me shumicë në Selenicë, janë ndërtuar rrugët e Shqipërisë, ndërsa vetë kjo zonë ka mbetur pa rrugë. Kreu i Shtetit bën apel që rruga të ndërtohet menjëherë pa humbur kohë.
Dje Meta ishte në Vlorë ku zhvilloi disa takime, me studentë, gazetarë e banorë të zonës së Selenicës, të cilëve iu tha se nga ana e Presidentit nuk ka pasur asnjë pengesë dhe se së shpejti rruga do të bëhet.
