“Ne shqiptarët kemi edhe një post-COVID tjetër”, mjeku: Shkaktohet nga antibiotikët dhe deksametazoni, pasi mbarojnë infeksionin dyjavor…

Mjeku Arjan Mezini ka thënë me shaka se përveç post-COVID-it afatmesëm dhe afatgjatë, shqiptarët kanë edhe një post-COVID afatshkurtër.

Ai u shpreh se pasi shqiptarët mbarojnë infeksionin dyjavor, javën e tretë telefonojnë të shqetësuar duke thënë se u është rikthyer koronavirusi, pork jo shkaktohet nga antibiotikët dhe deksametazoni.

“Ne përmendëm post-COVID afatmesëm dhe afatgjatë, por ne shqiptarët kemi edhe një post-COVID afatshkurtër. Pasi mbarojnë atë infeksionin dyjavor, javën e tretë marrin të alarmuar “unë jam me temperaturë, mu kthye”. Ky është post-COVID shqiptar i shkaktuar nga antibiotikët dhe deksametazoni i përdorur me tonelata”, tha Mezini në Opinion.