Greqia, me Turqinë përplasje në Hagë, si me Shqipërinë

Zyrtarët grekë dhe turq ka të ngjarë të takohen përsëri në fund të shkurtit ose në fillim të Marsit për të ringjallur përpjekjet për të zgjidhur një mosmarrëveshje kufiri detar, tha Kryeministri Kyriakos Mitsotakis. Por gjasat janë se përveç me Tiranën, Athina të përplaset për marrëveshjen e detit në Gjykatën Ndërkombëtare edhe me Turqinë.

E nëse ndodh kjo sipas gjasave do të kemi një tandem 2 me një në Hagë, që natyrisht do të sjellë pasoja të rëndësishme; pozitive dhe negative për Shqipërinë.

Të dy aleatët e NATO-s kanë qenë në mosmarrëveshje për një numër çështjesh dekada të vjetra, përfshirë shtrirjen e rafteve të tyre kontinentale, fluturimet e tepërta në Detin Egje dhe Qipron e ndarë etnikisht.

Në 2002-2016, ata mbajtën dhjetëra raunde bisedimesh në përpjekje për të hedhur bazat për negociata të plota mbi caktimin e zonave detare.

Pas një pauze katër-vjeçare, si pasojë edhe mosmarrëveshjeve për burimet e energjisë në Mesdheun Lindor vitin e kaluar, të dy shtetet rifilluan bisedimet eksploruese në 25 janar.

Ai takim në Stamboll, në raundin raundi i 61-të tyre, përfundoi pas disa orësh e palët thanë se kishin rënë dakord të takoheshin përsëri në Athinë.

Mitsotakis tha se bisedimet ka të ngjarë të rinisin në fillim të Marsit, përpara një takimi të BE në 25 Mars. “Unë pres brenda muajit tjetër, në një moment në fund të shkurtit, fillim të marsit. Është një hap i mirë në drejtimin e duhur”, i tha ai agjencisë britanike Reuters.

Pengesat mbeten, por sot secila palë është e gatshme të diskutojë. Greqia thotë se do të trajtojë vetëm shënimin e zonave detare në Egje dhe Mesdheun Lindor. Turqia nga ana e saj thekson se të gjitha çështjet midis të dy palëve duhet të trajtohen, duke përfshirë hapësirën ajrore dhe statusin e disa ishujve grekë.

“Turqia duhet të jetë e qëndrueshme për sa i përket sjelljes së saj, kjo nuk mund të jetë thjesht një mashtrim për të shmangur diskutimin në këshillin e BE në Mars”, tha Mitsotakis.

Greqia, e cila kohët e fundit ka arritur marrëveshje detare me Italinë dhe Egjiptin, argumenton që nëse të dy palët nuk arrijnë të bien dakord, ata duhet t’i referojnë mosmarrëveshjes një gjykate ndërkombëtare. /GazetaShqip