Ambasadori i SHBA-së uron qytetarët për zgjedhjet: Amerika qëndron me Kosovën
Ambasadori i SHBA-së në Prishtinë, Philip Kosnett ka uruar qytetarët e Kosovës për daljen në zgjedhjet parlamentare, duke thënë se ata me këtë kanë demonstruar përkushtim ndaj demokracisë dhe një vizion për të ardhmen.
Ai në një postim në Twitter ka thënë se Amerika qëndron në krah të Kosovës duke shpresuar në bashkëpunim me qeverinë e re.
“Urime qytetarëve të Kosovës, të cilët kanë demonstruar përkushtim ndaj demokracisë dhe një vizion për të ardhmen. Amerika qëndron me Kosovën dhe ne shpresojmë të punojmë me qeverinë e re, sapo të formohet, në qëllimet e përbashkëta të paqes, drejtësisë dhe prosperitetit”, shkruan Kosnett.
Congratulations to the citizens of #Kosovo, who have demonstrated commitment to democracy and a vision for the future. America stands with Kosovo – and we look forward to working with the new government, once formed, on shared goals of peace, justice, and prosperity.
— Ambassador Philip S. Kosnett (@USAmbKosovo) February 15, 2021