Vaksinimi i personaliteteve/ Rama i përgjigjet kritikave: Stuhi në gotë, u përdor për…

Personalitetet në moshë të thyer do të marrin sot dozën e parë të vaksinës së Pfizer kundër kovid, ndërsa Rama iu përgjigj sot kritikave, duke i konsideruar ”stuhi në gotë”.

Nga Elbasani, Rama tha se “ky rast u përdor për të shfryrë mllefin ndaj qeverisë”.

Kryeministri shtoi se është bërë një reagim i padenjë dhe “mizerabël”.

“Bëhet fjalë për të filluar vaksinimin e 80 vjeçarëve me disa personalitete për të dhënë një mesazh solidariteti me ta, mesazh përkujdesje me ta. E vë re me një far sëkëlldie që kur këta njerëz ndahen nga jeta ka një moment lotderdhje dhe një mori fjalimesh për ta. Nuk ma ha mendja që do dukeshin më bukur, do të duhet të përballeshim larg qoftë me humbjen e ndonjërit prej tyre për shkak të mungesës së vaksinës dhe nga ana tjetër për të ruajtur imazhin tek njerëzit në kushtet kur vaksinimi është fushatë kudo, pra sensibilizimi i atyre që dyshojnë tek vaksina apo është e dëmshme apo produkt i një konspiracioni botëror.

Të parët nuk janë me diferencë, por të parët në një ditë të parë kur fillon edhe me njerëz të tjerë të zakonshëm. Është bërë një reagim shumë i padenjë, shumë mizerabël lidhur me njerëz që kanë mundësi të komunikojnë me publikun që edhe këta rast ta përdorur për të shfryrë mllefin ndaj qeverisë por ky nuk është rasti. Nuk besoj se do të ishte e dejtë që të ngrihej kjo stuhi në gotë kur bëhet fjalë për një dozë të tillë vaksinash”, tha ai.