Takimet e fshehta elektorale të Metës/ Rama: Ja si Presidenti ka humbur marrëdhënien me trutë e kokës

Pas fotove që qarkullojnë të Presidentit të Republikës Ilir Meta që ka filluar takimet me votuesit e LSI-së për zgjedhjet e 25 prillit, ka reaguar vetë kryeministri Edi Rama.

Sipas kreut të qeverisë, kjo është anti-kushtetuese dhe se Meta “ka humbur marrëdhënien me trutë e kokës”.

“Ilir Meta nuk është nën çdo nivel të justifikueshëm,” tha Rama në dalje të mbledhjes së përjavshme me koordinatorët e PS.

“Ilir Meta nuk është nën çdo nivel të justifikueshëm edhe për një person që ka humbur marrëdhënien me trutë e kokës. Një President që bën gjithë ditën propagandë kundër qeverisë, që flet me gjuhë rruge, që lëviz ditë e natë për qëllime elektorale. Të gjithë do ta dënojnë më 25 prill, është përtej çdo mundësie për ta justifikuar,” tha Rama.

“Nuk ka nevojë për komente, veprimtaria ilegale e Metës është në sytë e të gjithëve. Meta nuk është në lartësinë e detyrës që i ngarkon kushtetuta, por është nën çdo nivel të justifikueshëm edhe për një person që ka humbur marrëdhënien me trutë e kokës, një president që bën propagandë kundër qeverisë, që flet me një gjuhë rruge, që lëviz ditën e natën për qëllime elektorale, që e ka vënë Presidencën në dispozicion të LSI dhe që çdo ditë humbet nivel në raport me detyrën nuk ka nevojë ta komentojë unë, se të gjithë e shohin dhe e ndjejnë dhe të gjithë do e dënojnë në 25 prill”, tha Rama.