Deputeti i opozitës njofton mos kandidimin: U ndamë, nuk u krijua poli i tretë

Një tjetër deputet nuk do të konkurrojë në zgjedhjet e 25 prillit. Me anë të një statusi në rrjetet sociale, Arlind Çaçani ka bërë të ditur se nuk do të jetë në asnjë prej listave të kandidatëve për deputet, duke shtuar se nuk ka pretenduar që të jetë pjesë në listat e tre partive të mëdha politike PD, LSI dhe PS.

“Megjithëse do kisha dashur që partitë e reja të ishin në një pol të tretë jo të shpërndarë. Nuk kam pretenduar dhe as kërkuar të jem pjesë e listave të 3 partive që pretendojnë pushtetin.
Unë për një mori arsyesh vendosa të mos jem pjesë e garës dhe pse shumë miq, shok, mbështetës, qytetarë të shumtë që takoj dhe më shkruajnë. Ata kanë gjetur tek unë zërin e tyre në kuvend, kërkojnë të jem përsëri kandidat për të treguar vlerat, por dhe i tremben që Kolonja nuk do të ketë më përfaqësues në Kuvend”, shkruan Çaçani.

Ai ishte deputet i zgjedhur nga listat e PD-së, por që nuk pranoi të dorëzonte mandatin e deputetit. U përfol se ai mund të merrte pjesë  në listat e Lëvizja Demokratike e Shqipërisë të partisë së themeluar nga Myslim Murrizi.

Postimi i plotë

Miq dhe dashamirës, po ndaj me ju vendimin për të mos kandiduar në zgjedhjet e 25 prillit, por ky nuk është një vendim që largohem nga jeta aktive në politikë. Për hir të së vërtetës partitë e reja që u krijuan këto 2 vjet, më hapën rrugë për të udhëhequr qarkun e Korçës në garën e 25 prillit, por dhe për të qenë në listat e Tiranës dhe për këtë dua ti falenderoj dhe tu jem mirnjohës për vlerësimin.

Megjithëse do kisha dashur që partitë e reja të ishin në një pol të tretë jo të shpërndarë. Nuk kam pretenduar dhe as kërkuar të jem pjesë e listave të 3 partive që pretendojnë pushtetin.
Unë për një mori arsyesh vendosa të mos jem pjesë e garës dhe pse shumë miq, shok, mbështetës, qytetarë të shumtë që takoj dhe më shkruajnë. Ata kanë gjetur tek unë zërin e tyre në kuvend, kërkojnë të jem përsëri kandidat për të treguar vlerat, por dhe i tremben që Kolonja nuk do të ketë më përfaqësues në Kuvend.

Dua tju them nuk është e vetmja garë 25 prilli ku unë besoj se nuk do sjell asnjë gjë të re për shqiptarët. Unë mendoj që nuk është ky momenti i duhur. Duket qartë që mbas 25 prillit do ketë situata të vështira për vendin tonë. Kjo nuk është një shmangie nga përgjegjësia, por një mundësi për tu përgatitur për sfidat që kemi përpara.

Do të jem shumë aktiv dhe ne takim me njerzit për të nisur një rrugë të re. Një gjë është e sigurt që rikthimi do të jetë më i lavdishëm. Koha do të tregojë mbi vendimet që kam marr. Falenderoj të gjithë ata që më kanë mbështeur përgjatë këtyre dy viteve dhe i siguroj që do të jem zëri tyre deri në 09.09.2021 me mandatin që kam. Por do të vazhdoj te jem më fortë me ju mbasi të lirohem nga mandati dhe sëbashku të hedhim themelet për misionin tjetër.
(Pavarsisht se nuk do te jem kandidat do te jem i perfshire fuqishem ne fushaten elektorale te pranveres)