Njihuni me “kuzhinierin” e vogël shqiptar, 3-vjeçari që po çmend rrjetin me videot në “TikTok”

Është vetëm 3 vjeç, por shqiptari që jeton në Nju Jork po bën namin në “TikTok” me videot e tij të gatimit.

Ai është Ilirian Kameraj dhe ka aktualisht me qindra e mijëra ndjekës në rrjetin social ku poston video duke eksperimentuar në kuzhinë me nënën e tij.

Dhe mëngjesin e të mërkurës, ai ishte i ftuari më i lezetshëm i emisionit të mëngjesit “Wake Up”, të cilin e përshëndeti me një video, duke qenë se për shkak të ndryshimit të orës, nuk mund të qëndronte zgjuar për të qenë i pranishëm përmes “Skype”-t në emision.

3 vjeçari është aq i adhurueshëm sa që më shumë se gatimet, josh vetë ai. Nëna e tij ka treguar për mediat shqiptare, interesi i të cilave nuk ka munguar, se gatimet nisën fillimisht si një mënyrë për të argëtuar 3-vjeçarin, por gjatë pandemisë, ata e gjetën veten gjithnjë e më shumë në kuzhinë, dhe atje lindi ideja e shpërndarjes së videove në “TikTok.