Basha “imiton” Merkel harron të vërë maskën dhe “kthehet” ta marrë, si justifikohet (video)
Kreu i PD Lulzim Basha gjatë takimit në shtëpinë e Kokalarëve në Gjirokastër ka harruar të vendosë maskën. Qytetarët e presin për disa minuta pasi Basha shkoi të marrë maskën dhe më pas u kthye.
“Maskën… Maskën të lutem… Entuziazmi me të cilin më pritët më bëri për një moment të harroj maskën e cila është një element i rëndësishëm”, tha Basha.
Një ngjarj e ngjashme si ajo e kancelares Angela Merkel, e cila gjatë fjalës në Parlament harroi maskën, por u kthye menjëherë ta marrë, ndërsa kryedemokrati i kërkon ndihmësva të tij ta marrin.
Edhe pse po zhvillon takime të hapura të njerëzve që të kujtojnë mitingjet, duke mos respektuar masat anti Covid dhe distancimin social, Basha po i bën thirrje mbështetësve t’i zbatojnë ato.
Kryeministri Edi Rama i ka bërë thirrje kundërshtarit të tij politik që të përcaktojë rregulla për fushatën elektorale për të zbatuar masat anti Covid, por deri më tani nuk ka asnjë reagim nga Basha.
Basha në bisedën me mbesën e Musine Kokalarit, Arjeta Kokalari u njoh pwwr problemet qw kanw atw pwr mos restaurimin e shtwpisw. Arjeta Kokalari u shpreh se i gjithë restaurimi i shtëpisë është bërë me kontributin e saj dhe të bashkëshortit të saj, pasi për shumë vite shtëpia ka qenë e panjohur për vizitorët. Sipas saj, edhe pse kryeministri vjen shpesh në Gjirokastër, ai nuk e ka vizuar asnjëherë këtë shtëpi.
Arjeta Kokalari: Kemi kontribuar për ta restauruar dhe për ta rehabilituar shtëpinë e Musine Kokalarit e cila ka qenë komplet e panjohur, komplet në hije, komplet jashtë vëmendjes, pothuajse siç është edhe tani, po ndoshta dhe më keq. Sepse sot ka një emër, njihet si shtëpia e Musine Kokalarit, kurse deri pak kohë më para se ne të fillonim ta publikonim, ta restauronim, kjo nuk njihej fare. Madje kur vinin njerëz të interesuar për shtëpinë e Musines, thonin ku është shtëpia, pyesnin për të, titullarët i orientonin tjetërkund sepse as e kishin idenë që kjo këtu është shtëpia e Musine Kokalarit.
Musine Kokalari, ka lindur në Adana. Ka ardhur në moshën 2 vjeçare këtu. Kujtimet e saj dhe jetesa në këtë ambient ka ndikuar aq shumë tek ajo, sa që të tre librat artistik, krijimtarinë e saj, ajo e vendos pikërisht në ambientet gjirokastrite. Domethënë janë tre libra dhe që të treja librat kanë dekor jetën gjirokastrite, personazhet janë më së shumti gratë dhe vajzat dhe nuset dhe vjehrrat gjirokastrite. Gjithë dekori në tregimet e saj është pikërisht në këtë shtëpi tradicionale gjirokastrite. Gjatë kohës që ne kemi jetuar këtu, unë kam pas një ndjeshmëri të madhe dhe më dukej që çdo hap që bëja brenda banesës.
Qytetari: Hodhëm të gjithë djersën tonë familjare, për shkak se ajo kabina elektrike që është atje tre metra ja dha zjarrin atje në katin e tretë. U tanë e çfarë nuk u thanë, nuk po bëj politik por ne dolëm në mes të katër rrugëve. Nuk është shtëpia ime, është shtëpia e Musine Kokalarit.
Arjeta Kokalari: Me qenë se jemi tek ky momenti i vëmendjes, më lejoni, ndoshta të gjithë e dinë që kryeministri i tanishëm sa herë që vjen në Gjirokastër shkon atje tek ajo kodra atje lart dhe kalon gjithmonë përpara kësaj shtëpie dhe asnjëherë nuk ka ndaluar asnjëherë dhe nuk i ka kushtuar asnjëherë asnjë vëmendje, asnjë fjalë, që kalon pikërisht këtu dhe. Kjo është shtëpi e Musine Kokalarit
Basha tha se shqiptarët e dinë se kush është Musine Kokalari dhe sakfricën e saj. Sipas tij, kjo është edhe arsyeja se pse kjo shtëpi është lënë në harresë nga qeveria dhe nuk vizitohet nga kryeministri. Ai u zotua se me ardhjen në pushtet të Partisë Demokratike, shtëpia do të restaurohet dhe do t’i kthehet në një vlerë qytetit të Gjirokastrës.
Lulzim Basha: Mua Marjeta nuk më çudit fakti që kalon këtej dhe nuk i hedh as sytë nuk më çudit. Nuk më çudit për një arsye të thjesht. Shqiptarët e dinë se çfarë përfaqëson Musine Kokalari, tashmë. Edhe për gjithë atë që ka bërë regjimi i mëparshëm edhe për atë që bënë kjo qeveri në ikje dhe ky kryeministër në ikje për të hedhur pluhurin e harresës nuk ja kanë dalur dot. E dinë shqiptarët e di faktori ndërkombëtarë, vetë e thatë ka ardhur dhe ambasadori Amerikan. Një grua e virtytit, e artit e kulturës dhe e qëndresës .
është një simbol jo thjeshtë i frymëzimit që sjell Gjirokastradhe që është shndërruar në krijimtari artistike nga Musine Kokalari deri tek Ismail Kadarea dhe veprat e shumë shumë artistëve të tjerë. Por është mbi të gjitha një simbol i qëndresës dhe i papërkulshmërisë sepse vllezërit ja egzekutoj regjimi, social demokratë ishin, me bindje të majta ishin, por ishte një regjim që nuk toleronte mendim ndryshe, nuk toleronte fjalën e lirë.
As nuk donte tja dinte për zgjedhje të lira dhe një nga aktet më kurajoze që ka bërë një qytetarë i Shqipërisë në vitet 44-45, ndërkohë që aleatët ishin akoma në Shqipëri, është ndërmarrë nga një grua, nga Mysyne Kokalari që i shkruajti një letër aleatëve dhe u kërkoi të garantonin zgjedhje të lira dhe të ndershme. Domethënë ajo ka qënë një pararendëse e demokracisë dhe shpirtit europian të shqiptarëve në një kohë ku këtu po pllakoste një regjim i egër, një regjim i cili përgjaku, i varfëroi, i mjeroi shqiptarët. Dhe ky simbol që do të ngrihet në piedestal, e para punës për ti treguar shqiptarëve por edhe gjithë botës fuqinë e gruas Shqiptare. E dyta për ti treguar që këtu ka pasur disidencë, ka pasur kundërshti të vërtetë parimore, intelektuale kundra një regjimi që solli vetëm mjerim, vetëm terror, hapi vetëm varfëri, plagë dhe varre në trupin e vendit tonë. Dhe kanë qenë të shumtë, po shkëlqen Musine Kokalari një vajzë, një grua, një shkrimtare, një intelektuale.
Edhe sot këto ditë që na ndajnë nga 25 prilli ka një shpirt përçarje, ka një gjuhë urrejtje, ka një përpjekje për të vrarë shpresën e shqiptarëve për ndryshim, në qoftë se Musin Kokalari e kaloi gjithë jetën e saj për ta mbajtur ndezur shpresën dhe ën fund të fundit nuk e pa dot dritën e ndryshimit, mund ta themi me gojën plot se gratë dhe vajzat e Gjirokastrës, të paktën nga kjo pritje e jashtëzakonshme që pashë sot dhe të gjithë Shqipërisë do ta ndezi dritën e shpresës, do ta ndezin nën shembullin e Musine Kokalarit dhe unë ju siguroj që jo vetëm që do ta restaurojmë këtë monument i cili përfaqëson fuqinë e gruas.
Ne duhet ta bëjmë me të vërtetë pjesë të intenerarit turisitik, po kjo nuk bëhet me fjalë, kjo bëhet me investime, kjo bëhet me vepra. E gjithë shtëpia jonë e madhe vazhdon të vidhet edhe të grabitet edhe ditët e fundit, javët te fundit, japin koncesione, vjedhin me tendera bëjnë gjithçka për të grabitur deri ditën e fundit. Këta vetëm dinë të grabisin, por kësaj do t’i japim fund me 25 prill se me 25 prill në fund të fundit nuk është një betejë për mua apo për atë që po ikën, është një betejë pikërisht për shtëpitë tuaja, për familjet tuaja, për fëmijët tuaj që t’i mbajmë këtu se Gjirokastra po zbrazet, është një nga qytetet që po zbrazet me shpejtësi të tmerrshme ndërkohë që ka potenciale të jashtëzakonshme turistike.