Drejtori i ‘Shefqet Ndroqit’ tregon eksperiencën me Covid-in: Heronj nuk janë vetëm mjekët, por edhe ata që përjetojnë sëmundjen

Drejtori i spitalit “Shefqet Ndroqi”, Perlat Kapisyzi ka treguar për gazetaren Nisida Tufa eksperiencën e tij me koronavirusin.
Ai tha se u kurua në shtëpi dhe nuk u përfshi nga paniku, pasi ky i fundit është armiku numër një i shëndetit. Për të heronj nuk janë vetëm mjekët, por edhe ata që luftojnë me sëmundjen.
Kapisyzi: Unë aty e kam kuptuar se çfarë do të thotë të kalosh koronavirusin, se çfarë është në gjendje të bëjë virusi. Me thënë të drejtën thuhet se mjekët janë heronj por dhe ata që përballen me Covid-in që ia dalin janë heronj. Unë e kalova rëndë, jo shumë rëndë , por rëndë. Me kujtohet persona që janë përleshur me të. Kërkon forcë dhe jo panik, po hyri paniku është negative. Unë nuk pata panik fare dhe pjesëtarët e familjes thanë “ne s’të paskemi njohur se të jesh i qetë në një gjendje kaq të rëndë”. U kurova në shtëpi. Ra telefoni dhe e pyetën bashkëshorten kush po e kuron dhe unë qesha, unë jam mjek dhe po s’u kurova vetë. Dhe më tha ai personi që kishim frikë se Covid prek dhe sistemin nervor. Rënia e oksigjenit dhe dëmtimi që bën Covid në sistemin qendror, krijon panik, halucinacione dhe frikë.