Gazetari i nxjerr VIDEON Ilir Metës: Në krye të shtabit elektoral të rruga ‘Fortuzi’, mbron Kushtetutën me raki e birra

Gazetari Mero Baze publikon një video të presidentit Ilir Meta, teksa ky i fundit ndodhet në lokal me disa persona të tjerë dhe festojnë së bashku.

Baze shkruan se lokali ku ndodhet Meta është te Rruga “Fortuzi” në Tiranë, ndërsa kreu i shtetit shfaqet me gotë vere në dorë, i rrethuar nga disa persona, të cilët po ashtu e shoqërojnë në tavolinë, me verë e birra.

“Presidenti në krye të shtabit elektoral tek Rruga “Fortuzi” duke mbrojtur kushtetutën në një tavolinë me verë birra e raki. Faleminderit djema që na e kthyet në normalitet”, shkruan gazetari Mero Baze dhe ndan videon e mëposhtme.