Kthesa/ “Zbrazen” spitalet, sa persona janë në terapi intensive dhe të intubuar. Shkon në 62,248 numri i vaksinimeve

Ministria e Shëndetësisë raportoi se në 24 orët e fundit 8 persona kanë humbur jetën nga koronavirusi në vendin tonë, ndërsa janë regjistruar dhe 449 raste të reja me Sars Cov-2.

Por si paraqitet situata në spitale?

Spitalet duket se po marrin frymë, pasi numri i të shtruarve ka shkuar në shifra të ulëta, nëse e krahasojmë me skenarin kur kishim edhe mbi 650 të shtruar.

“Aktualisht në spitalet COVID në Tiranë dhe tre spitalet rajonale po trajtohen 343 pacientë, 18 në terapi intensive, nga të cilët 10 pacientë janë të intubuar.”

Gjithsesi, duhet thëne së ka shumë persona që po kurohen në shtëpi. Nga ana tjetër, edhe pse prej disa ditësh numri i të shtruarve në spital është i ulët, vdekjet mbeten në nivele të larta.

Shkon në 62,248 numri i vaksinimeve

Vijon procesi i vaksinimit antiCOVID në qendrat e përqendruara të vaksinimit si dhe në shkolla për arsimtarët. Gjatë ditës së sotme janë kryer 2900 vaksinime antiCovid dhe që nga fillimi i vaksinimit janë kryer 62,248 vaksinime për personelin shëndetësor, të moshuarit dhe mësuesit.

589 të shëruar

Në 24 orët e fundit janë shëruar 589 qytetarë, duke e çuar numrin e të shëruarve në 88,349 që nga fillimi i epidemisë.

Statistika (26 Mars 2021)

Raste të reja ditore       449
Të shëruar në 24 orë     589
Të shtruar në spitale      343
Humbje jete në 24 orë   8

Testime ditore               3012

Testime totale            545,244
Raste pozitive             123,216
Raste të shëruara        88,349
Raste Aktive                 32,675
Humbje jete                  2192

Shpërndarja gjeografike e rasteve aktive sipas qarqeve:

Tiranë   22357
Fier     2592
Durrës    1386
Vlorë     1272
Shkodër   1217
Gjirokastër  1250
Korçë     774
Lezhë     549
Elbasan  427
Kukës     355
Dibër    322
Berat     174

Gazeta SHQIP