Mbi 155 mijë të vaksinuar në Shqipëri, Manastirliu nxjerr shifrat për 24 orët e fundit: Nuk do të ndalemi!

Plot 16 617 persona janë vaksinuar sot kundër koronavirusit. Lajmi është bëri i ditur nga ministrja e Shëndetësisë,Ogerta Manastirliu, e cila deklaron se janë vaksinuar në total deri këto momente 155 mijë e 463 persona.

Manastirliu thekson se fushata “Shqipëria buzëqesh” nuk do të ndalet deri sa qytetari i fundit të jetë vaksinuar.

“Nuk do të ndalemi me fushatën #ShqipëriaBuzëqesh, derisa qytetari i fundit të jetë vaksinuar. Më shumë se 155 mijë vaksinime anticovid. 
#ShqipëriaBuzëqesh”, shkruan Manastirliu.

Sot, 6 viktima

6 persona kanë humbur jetën nga koronavirusi në Shqipëri në 24 orët e fundit.

Nga 2899 testime të kryera, janë konfirmuar 349 raste të reja, ndërsa raportohet se janë shëruar 604 persona.