Ish-ministrja e Ramës sulmon Albin Kurtin: Autoritar dhe i dëmshëm për demokracinë, për më pak se dy javë shfaqi ambicien për kapjen totale të institucioneve

Ish-ministrja e Arsimit në Shqipëri, Besa Shahini, ka sulmuar kryeministrin e Kosovës ALbin Kurti, duke e quajtur autoritar dhe të dëmshëm për demokracinë.
Sipas saj, Kurtit iu deshën më pak se 2 javë për të shfaqur ambicien për kapjen totale të institucioneve.
“Ju që argumentonit se na duhen së paku 100 ditë apo 6 muaj që të shohim tamam se si do të qeverisë VV, dhe shfaqnit padurim me kritikët e pushtetit të ri, Kurti ju dha një përgjigje marramendëse sot. Iu deshën më pak se dy javë të shfaqte gjithë ambicjen për kapje totale të të gjitha institucioneve. Kur ai thotë “krejt”, kjo do të thotë KREJT.
Autoritar, populist dhe i dëmshëm për demokracinë dhe shoqërinë – ky është pushteti i Vetëvendosjes. Keni akoma dilema”, shkruan Besa Shahini.
Ky postim i Shahinit vjen në momentin që në Kuvendin e Kosovës u votua për “Ndryshimin e Ligjit të Zgjedhjeve”, ku opozita e kundërshtoi duke mos e votuar.