Rama nxjerr fotot: Ja qendra e vaksinimit dhe epiqendra e infektimit
Kryeministri Edi Rama ka reaguar ndaj mitingut të liderit të PD-së, Lulzim Basha në Koplik të Malësisë së Madhe.
Ashtu si në çdo takim, Basha shoqërohet me dhjetëra e qindra mbështetës, të cilët nuk respektojnë asnjë masë parandaluese për përhapjen e Covid.
“Në 25 prill Shqipëria do të votojë për Vaksinimin, jo për Infektimin; për Rindërtimin jo për Rishkatërrimin; për forcimin e Ligjshmërisë e rritjen e Ekonomisë, jo për rikthimin e Paligjshmërisë e të Çorodisë! *Qendra e Vaksinimit Pogradec dhe epiqendra e Infektimit Malësi e Madhe”, shkruan Rama.
Ai e shoqëron këtë me dy foto, një nga procesi i vaksinimit dhe tjetra nga takimet e Bashës në qytetin e Koplikut.
