Serveri i Patronazhistëve të PS/ SPAK thërret gazetarët Andi Bushati dhe Armand Shkullaku: Na kërkuan…

Dy gazetarët e pronarët e portalit Lapsi.al, Andi Bushati dhe Armand Shkullaku që zbuluan serverin e PS-së me të dhënat e 900 votuesve, ku patronazhistët e pajtuar nga selia rozë jepnin vlerësimin për ccdo zgjedhës janë thirrur për të dëshmuar mbi mënyrën se si e ka gjetur këtë database.

Bushati tha për mediat, se materialin e ka pasur në dispozicion një javë para se ta bënte publik, ndërsa prokurorët- tha ai- i kanë kërkuar burimin e këtij materiali.

Analisti Bushati tha gjithashtu se Prokurorisë i kishte kërkuar të hetojnë mbi një indicie. Bëhet fjalë për rastin e gazetarit Flamur Vezaj i cili ndodhet në Amerikë, por të dhënat e tij janë dekonspiruar pasi i ka vendosur në e-albania për aplikim për pasaportë.

“Një javë para publikimit e kisha këtë material. Nuk kam besim se prokuroria do ta gjejë të vërtetën e kësaj ngjarje. Kur krimi shkon lart, ai mbetet pa fajtor. Prokurorët ishin të interesuar kush ishte burimi, si kishim rënë në kontakt me këtë gjë. Ishte një seancë e shkurtër dhe u mbyll me kaq. Unë pashë një shkrim të kolegut tuaj, Flamur Vezaj i cili prej 4 vitesh është në Amerikë dhe ka dorëzuar të dhënat për pasaporte vetëm te e-albania dhe të dhënat e tij pa ardhur në Shqipëri janë dekonspiruar  me këtë kontakt që ka pasur me shtetin shqiptar. Këtë ja thashë prokurorëve dhe është një indice e mirë për të cilën mund të hetojnë. Ata kërkuan që të dorëzojmë provën. Ne nuk e dorëzuam, sepse kjo ishte kontrata jonë me burimin. E vetmja gjë që ka ndërmarrë prokuroria është që ka një urdhër për mos shkatërrimin e provës. Privatisht unë ja thashë dhe prokurores, në dijeninë time neni 122, nxjerrja e të dhënave personale nuk është në kompetencën e SPAK”, tha Bushati.