Vazhdon armiqësia mes Presidentes së Kosovës dhe Ramës, e uron PS-në për fitoren dhe nuk e përmend Edi Ramën

Presidentja e Kosovës, Vjosa Osmani ka uruar Partinë Socialiste për fitoren në zgjedhjet e 25 prillit. Osmani gjithashtu përgëzon PD-në dhe gjithë partitë e tjera që vendosën të garojnë në zgjedhje.

Ajo uron që përfaqësuesit e rinj politikë shqiptarë të kontribuojnë edhe në bashkëpunimin me Kosovën.

Bie në sy se Osmani në asnjë rresht nuk përmend Edi Ramën, kryeministrin edhe për 4 vite të tjera të Shqipërisë. Mesa duket marrëdhienet mes tyre do të vazhdojnë të jenë armiqësore dhe të ftohta.

“Urime Partisë Socialiste për fitoren në zgjedhjet e 25 prillit. Përgëzoj Partinë Demokratike dhe gjithë partitë e tjera per garën zgjedhore. Uroj që të gjithë përfaqësuesit politik të kontribuojnë në forcimin e demokracisë, sundimit të ligjit dhe bashkëpunimit me Kosovën.”, shkruan Vjosa Osmani.