Rekord të shëruarish, 88 të shtruar në spital/ Cilat janë qarqet me më pak të infektuar me covid në Shqipëri

Situata epidemiologjike në Shqipëri vijon të jetë e qëndrueshme. Gjatë 24 orëve të fundit, 3 persona të infektuar me covid kanë humbur jetën, ndërsa janë regjistruar 42 raste të reja.

Numri i rasteve aktive me covid në gjithë vendin ka rënë në 9 350, ku 7 685 prej tyre në Tiranë. Kukësi, Dibra dhe Berati janë qarqet me më pak të infektuar, ku numri i rasteve aktive nuk i kalon 100.

Rekord të shëruarish

Në 24 orët e fundit janë shëruar 1011 qytetarë, duke e çuar numrin e të shëruarve në 120,072 që nga fillimi i epidemisë.

Situata në spitale

Aktualisht në spitalet COVID po trajtohen 88 pacientë, 8 në terapi intensive, nga të cilët 4 pacientë janë të intubuar.

Apeli

Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes për të kryer testimin si dhe për ndjekjen dhe trajtimin ambulator në banesë. Telefononi në numri 127 të Urgjencës Kombëtare për çdo emergjencë apo referim në spital.

Statistika (12 Maj 2021)

Raste të reja ditore         42
Të shëruar në 24 orë      1,011
Të shtruar në spitale      88
Humbje jete në 24 orë   3
Testime ditore                2,707

Testime totale            665,935
Raste pozitive             131,845
Raste të shëruara        120,072
Raste Aktive                  9,350
Humbje jete                  2,423

Shpërndarja gjeografike e rasteve aktive sipas qarqeve:

Tiranë             7685
Shkodër          278
Fier             224
Korçë           216
Gjirokastër   212
Durrës       146
Vlorë       160
Elbasan   126
Lezhë     101
Berat      87
Dibër      63
Kukës    52

Gazeta SHQIP

Back to top button
LAJMET E FUNDIT