Rënie drastike e rasteve aktive me covid në Shqipëri/ Lajmi i mirë nga spitalet, nuk raportohet asnjë i…

Vijon të shënojë sërish përmirësim situata me pandeminë në vendin tonë. Ministria e Shëndetësisë raportoi se gjatë 24 orëve të fundit, u regjistruan 39 raste të reja me covid-19 nga 3400 testime të kryera dhe 2 viktima.

Lajmi i mirë është se në spitale nuk ka asnjë person të intubuar, nga 5 që ishin dje. Edhe numri i rasteve aktive me covid vijon të bjerë. Aktualisht, në gjithë vendin kemi 6 468 raste aktive me koronavirus, ku 5032 prej tyre janë në Tiranë. Dibra, Kukësi dhe Berati duket se po e mposhtin pandeminë.

“Aktualisht në spitalet COVID po trajtohen 83 pacientë nga të cilët 7 pacientë janë në terapi intensive”

Të shëruar

Në 24 orët e fundit janë shëruar 976 qytetarë, duke e çuar numrin e të shëruarve në 123,081 që nga fillimi i epidemisë.

Apeli 

Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes për të kryer testimin si dhe për ndjekjen dhe trajtimin ambulator në banesë. Telefononi në numri 127 të Urgjencës Kombëtare për çdo emergjencë apo referim në spital.

Statistika (15 Maj 2021)

Raste të reja ditore         39
Të shëruar në 24 orë      976
Të shtruar në spitale      83
Humbje jete në 24 orë   2
Testime ditore                3,400

Testime totale            674,895

Raste pozitive             131,978
Raste të shëruara        123,081
Raste Aktive                  6,468
Humbje jete                  2,429

Shpërndarja gjeografike e rasteve aktive sipas qarqeve:

Tiranë         5032
Shkodër       250
Fier               160
Korçë            209
Gjirokastër   197
Durrës          106
Vlorë             143
Elbasan        113
Lezhë           102
Berat             77
Kukës           42
Dibër           37

Gazeta SHQIP

Back to top button
LAJMET E FUNDIT