FOTO/ Me dorë në zemër, Erdogan pret në Presidencë kryeministrin Edi Rama

Presidenti i Turqisë, Recep Tayyip Erdoğan, ka pritur sot në një takim në Presidencë Kryeministrin Edi Rama. Takimi u zhvillua me dyer të mbyllura në Kompleksin Presidencial në Ankara, ndërsa besohet se shpejt do të jepen dhe detaje lidhur me bisedën që do të zhvillohet.

Të dy para se të takohen shihen me dorë në zemër, për të treguar miqësinë e tyre që tashmë dihet se shkon përtej protokollit shtetëror. Me maska, Erdogan shihet i veshur me kostum të zi ndërsa Rama me kostum gri.

Vetë Rama sot pasi postoi një foto duke zbritur nga avioni i tij tha se në fokus të takimeve në Turqi do të jetë ecuria mes palëve për të përmbushur projektet mes ministrive dhe investitorëve, në fushën e turizmit, farmaceutikës, energjise dhe transportit.