Voltana Ademi tha “s’ka ndërtime pa leje” në Velipojë, por shikoni themelet e pallatit të madh buzë detit

Rreth 15 ndërtime pa leje kanë nisur të shemben ditën e sotme në bregdetin e Velipojës në Shkodër.

Aksioni i IKMT është përqëndruar në dy skajet e vendit, Velipojë e Ksamil, ndërsa pritet që ditët e ardhshme të vijojë përgjatë gjithë bregdetit.

Por ndryshe nga sa tha kryebashkiakja e Shkodrës, se në Velipojë s’ka ndërtime pa leje, në terren ka rezultuar e kundërta.

Madje, gjatë kësaj deklarate për media të zv.ministri i Brendshëm Besfort Lamallari, në sfond dallohen qartë kollonat për katin e parë të një ndërtese me sipërfaqe tepër të madhe, e ndërtuar buzë detit.