Balla do të padisë në gjykatë Bashën, zbulohet për çfarë e akuzon kreun e PD

Numri dy i Partisë Socialiste, deputeti Taulant Balla ka paralajmëruar sot një padi ndaj kreut të PD-së, Lulzim Basha.

Kryetari i Grupit Parlamentar të PS u shpreh se Basha ka bërë disa akuza të pavërteta ndaj tij në Elbasan.

Sipas Ballës, këto akuza janë bërë për nevojat që Basha ka në mënyrë që të marrë vota në zgjedhjet për kreun e PD.

“Jam duke bërë gati një padi ndaj Lulzim Bashës për disa akuza të pavërteta që ka hedhur ndaj meje para disa ditësh në Elbasan për nevojat që i duhen atij, për ta votuar në Elbasan. Por le të jetë gjykata mbi këto akuza”, tha Balla në emisionin “Real Story”.