Me Spanjën, apo me Suedinë? Yuri Kim: Sa do doja të ishte Shqipëria, që të mos kisha asnjë dilemë

Ambasadorja e SHBA në Tiranë iu bashkua koleges së saj suedes, Elsa Hastad për të ndjekur ndeshjen mes Spanjës dhe Suedisë, të vlefshme për kampionatin europian.

“Jam kaq shumë në mëdyshje. E dua Suedinë, por gjithashtu dua edhe Spanjën. Sa do doja të luante Shqipëria (në Europian), kështu që nuk do të kisha asnjë dilemë”, shkruan ambasadorja amerikane në Tiranë.

Shënimi shoqëron një foto të saj me kryebashkiakun e Tiranës, Erion Veliaj dhe Ambasadoren Suedeze, Elsa Hastad nga Sheshi Skënderbej, ku janë mbledhur për të ndjekur ndeshjen mes Spanjës dhe Portugalisë.