“Ta q**sha nënën shqiptare”/ UEFA jep dënimin për lojtarin me origjinë serbe Arnautoviç

UEFA ka pezulluar me 1 ndeshje futbollistin serb të Austrisë, Marko Arnautovic, për fyerje racste ndaj një futbollisti shqiptar të Maqedonisë së Veriut në një ndeshje të Euro 2020 të dielën.

Arnautovic shënoi në fitoren e Austrisë 3:1 kundër Maqedonisë së Veriut në ndeshjen e tyre hapëse në Grupin C në Euro 2020, por e humbi toruan gjatë festimit të golit dhe iu desh kapitenit të tij, David Alaba, ta qetësojë.

Ai i reagoi Alioskit pasi shënoi duke e sharë “Ta q**sha nënën shiptar”, duke e përdorur termin fyes dhe raclst të serbëve ndaj shqiptarëve.

Në një reagim në rrjetet sociale më vonë, derisa e pranoi se gjakrat ishin nxehur dukshëm, 32-vjeçari e mohoi të ketë përdorur çfarëdo shprehje raclste ndaj kundërshtarëve.

Në një reagim në Instagram, Arnautovic shkroi: “Kishte fjalë të nxehta dje për shkak të emocioneve të ndeshje, për të cilat dëshiroj të kërkoj FALJE – veçanërisht miqve të mi nga Maqedonia e Veriut dhe nga Shqipëria. Dëshiroj ta them një gjë shumë qartë: UNË NUK JAM RAClST! Unë kam miq gati nga çdo vend dhe e mbështetës diversitetin. Kushdo që më njeh mua është i vetëdijshëm për këtë. Më falni”.

Ky lncident ngjalli shumë reagime në rrjetet sociale, veçanërisht në mesin e tifozëve shqiptarë, të cilët u bën thirrje UEFA-s për të hapur hetim ndaj suImuesit.