“Hajde takohu me drejtoreshën time në Kryeministri”, kush është e reja që tërhoqi vëmendjen e Edi Ramës “live”, kandidate e partisë së Jozefina Topallit
Kryeministri Edi Rama ditën e sotme zhvilloi sot një bashkëbisedim online me disa prej aplikantëve të nismës “Gati për Shqipërinë”, ku u njoh me idetë e secilit prej tyre.
Por ndër aplikantët ajo që i tërhoqi vëmendjen ishte Sandra Xheleshi, e cila prej 18 vitesh jetonte në Britani dhe kishte mbaruar Bachelor për Shkenca Politike.
Mirëpo kush është e reja, Sandra Xheleshi:
Xheleshi që tërhoqi sot vëmendjen e Ramës ishte kandidate në zgjedhjet e 25 prillit. Ajo kandidoi nën siglën e partisë së Jozefina Topallit, “Lëvizja për Ndryshim”. E reja listohej e para në listën e Dibrës.
Sot gjatë prezantimit Rama i kërkoi Xheleshit që të takohej direkt me drejtoreshën e tij të kabinetit duke u shprehur “do të të shohim mos të lëmë të ikësh”.
