Prisnim shumë prej tij, 0.33 pikë i mohojnë finalen gjimnastit rus që përfaqëson Shqipërinë në Lojërat Olimpike

Gjimnasti rus, Matvei Petrov i cili përfaqëson Shqipërinë, nuk ia ka arritur që të kualifikohet në finalen e Lojërave Olimpike të Tokios.

Petrov u rendit në vendin e 10-të në disiplinën e kaluçit me doreza në gjimnastikën artistike.

Ai grumbulloi në total 14.733 pikë nga të cilat 6.500 u morën nga shkalla e vështirësisë dhe 8.233 pikë nga ekzekutimi i provës. Performanca e tij e mirë i dha Matveit 14.733 pikë duke e renditur në vendin e 9 nga 65 garues, me vetëm 0,33 pikë larg kualifikimit për në finalen e madhe.

Sportisti shqiptar ndan vendin e 9-të së bashku me patriotin e tij rus, David Belyavskiy.

Mundësitë për të kaluar në finale janë të pakta, pasi tashmë rivalët do i nënshtrohen testeve të dopingut dhe atij të Covid-19. Nëse do ketë raste, mund të ndryshojë edhe klasifikimi dhe Petrov të përfitojë, pasi vetëm 8 vendet e para kalojnë në finale.