“Çlirim apo pushtim i ri”/ Pse ky mund të jetë kapitulli më i vështirë i Afganistanit, çfarë ndodh pas 1 shtatorit?

Dita e fundit e gushtit do të shënojë fundin e asaj që disa e përshkruajnë si “fundi i angazhimit ushtarak të udhëhequr nga SHBA në Afganistan“, por talebanët do ta shpallin atë si “fundin e pushtimit të huaj“.

Më 1 shtator, afganët do të zgjohen të pasigurt, ndërsa do të presin se çfarë sjell ky kapitull i ri në vendin e tyre.

Me çdo kapitull në këtë luftë 40-vjeçare, afganët guxuan të shpresojnë se kapitulli tjetër do të ishte më i mirë se i fundit.

“Mund të them se nga të gjithë kapitujt që kam dëshmuar gjatë tre dekadave të fundit, ky është kapitulli më i pasigurt akoma”, thotë Lyse Doucet për BBC.

Talibanët po premtojnë se do të sundojnë për të gjithë afganët. Ata po premtojnë se do t’i japin afganëve sistemin më të mirë arsimor në botë, për të përmbushur të gjitha nevojat e tyre.

Afganët priren të thonë se ata vazhdojnë të shpresojnë sepse është gjëja e fundit që ata humbasin.

Për mijëra që u larguan, disa nga më të mirët dhe më të ndriturit e këtij brezi, të cilët u arsimuan, u trajnuan dhe u përgatitën gjatë kësaj dritareje të hapësirës së siguruar nga 20 vjet angazhim ndërkombëtar – ata tani jo vetëm që kanë lënë vendin e tyre, ata kanë humbur vendin e tyre.

Ata kanë humbur ëndrrat, shpresat, gjithçka që kanë ndërtuar në 20 vitet e fundit. Dhe do të jetë aq, aq e dhimbshme për një kohë kaq të gjatë në të ardhmen./BBC – Gazeta SHQIP