(LISTA) Emrat surprizë të Kryesisë së re të PD, mbesin jashtë dhëndri i Berishës, Tritan Shehu dhe Xhelal Mziu
Zbardhen 15 emrat fitues të Kryesisë së re të PD-së. Në votimin e djeshëm e Këshillit Kombëtar të PD-së. Nga 62 kandidatura gjithsej Këshilli kishte për detyrë që të zgjidhte 15 emra, 10 burra dhe 5 gra.
Më e votuara nga gratë ka qenë Oriola Pampuri, ndërsa nga burrat rezulton Gerti Bogdani. Lista e 15 të zgjedhurve e çon në 35 numrin e anëtarëve të Kryesisë së PD-së.
Në këtë kryesi bëjnë pjesë në mënyrë automatike, nënkryetarët, sekretarët. Në këtë votim shihet se kanë mbetur jashtë Jamarbër Malltezi, dhëndri i ish-kryeministrit Sali Berisha, si dhe Tritan Shehu, Fatbardh Kadilli apo dhe Xhelal Mziu.
Sipas statutit të PDSH-së, “2. Kryesia e PDSH-së, drejtohet nga Kryetari i Partisë dhe ka në përbërje edhe: a) Sekretarin e Përgjithshëm; b) Nënkryetarët e Partisë c) Sekretarët Funksionalë; ç) Kryetarin e Këshillit Kombëtar; d) Kryetarët e organizatave partnere; dh) Kryetarin e Bordit Financiar, Komisionit Zgjedhor dhe Komisionit të Apelimit, Integritetit dhe Etikës; e) 15 (pesëmbëdhjetë) anëtarë të zgjedhur me votim të fshehtë nga Këshilli Kombëtar, nëpërmjet një numri kandidaturash të paktën sa dyfishi i numrit të vendeve vakante. Jo më pak se 30 % e anëtarëve të zgjedhur të Kryesisë duhet t’i përkasin gjinisë më pak të përfaqësuar”.
Ditën e djeshme u vendos që Alfred Rushaj të marrë postin e kryetarit të grupit parlamentare në PD. Alfred Rrushaj, Enkelejd Alibeaj dhe 2 gra, Jorida Tabaku dhe Grida Duma do të jenë katër nënkryetarët e Partisë Demokratike, duke u dhënë kështu më shumë pushtet grave.
Jorida Tabaku do të jetë nënkryetare përgjegjëse për marrëdhëniet me jashtë ndërsa Grida Duma, nënkryetare përgjegjëse për marrëdhëniet me shoqërinë civile. Edmond Spaho, ish-nënkryetari i PD ka kërkuar të mbajë vetëm detyrën e deputetit. Gazment Bardhi do të mbajë sërish postin që kishte, Sekretar i Përgjithshëm i PD-së. Vendin e Bujar Nishanit e ka zënë tashmë Edi Paloka, i cili është zgjedhur Kryetari i Këshillit Kombëtar.
Partia Demokratike ka përzgjedhur tetë emra për t’ju besuar postet në Komisione. Prurja e re e selisë blu, Agron Gjekmarkaj është pozicionuar në Komisionin për Edukimin dhe Mjetet e Informimit Publik. Jorida Tabaku është vendosur të përfaqësojë PD-në në Komisionin për Integrimin Europian, kurse Komisioni për Punën, Çështjet Sociale dhe Shëndetësinë do të ketë Albana Vokshin. Në Komisionet e tjera do të jenë edhe Oerd Bylykbashi, Sorina Koti, Helidon Bushati e Tomorr Alizoti. Flamur Nokës i është besuar Komisioni për Sigurinë Kombëtare.
15 të zgjedhurit me votëne 300 anëtarëve
1. Oriola Pampuri
2. Dhurata Çupi
3. Juela Hamati
4. Taulanta Jaupi
5. Lindita Metaliaj
6. Gert Bogdani
7. Agron Gjekmarkaj
8. Tomorr Alizoti
9. Ervin Salianji
10. Flamur Noka
11. Kreshnik Çollaku
12. Oerd Bylykbashi
13. Aldo Bumçi
14. Fitim Zekthi
15. Gent Strazimiri
Kryetari dhe 4 nënkryetarët pjesë e Kryesisë në mënyrë automatike
SEKRETARIATI EKZEKUTIV I PARTISË:
SEKRETAR ORGANIZATIV — Ervin Minarolli
SEKRETAR BURIMEVE NJERËZORE— Arta Sakja
SEKRETAR PËR EMIGRACIONIN DHE DIASPORËN —Belind Këlliçi
SEKRETAR PËR PRONARËT DHE CESHTJEN E PRONAVE- Ledina Mandia
SEKRETAR PËR KLIMËN E BIZNESIT – Flamur Hoxha
SEKRETARE PËR TË PËRNDJEKURIT POLITIK- Jonila Godole
SEKRETAR PËR ÇËSHTJET LIGJORE DHE ZGJEDHORE- Ivi Kaso
SEKRETAR PËR MARRËDHËNIET ME PUBLIKUN – Greta Bardeli (Gjoni)
SEKRETAR I KOORDINIMIT ELEKTORAL – Taulant Zeneli
SEKRETAR PËR ORGANIZATAT PARTNERE – Orjela Nebiaj
SEKRETAR PËR ORGANIZIMIN DIXHITAL – Endri Hasa