VIDEO/ Forcat amerikane çaktivizojnë avionët dhe armatimin para largimit nga Kabuli

Ushtria amerikane u sigurua të çaktivizonte avionët dhe automjetet e tyre ushtarake të lëna pas në Aeroportin e Kabulit, para se të largoheshin përfundimisht me një avion të hënën në mbrëmje, thanë zyrtarët.

Komandanti i misionit gjeneral Kenneth McKenzie tha se trupat “çmilitarizuan” 73 avionë, 70 automjete taktike të blinduara dhe 27 Humvees, në mënyrë që ato të mos përdoreshin nga talebanët.

“Ata avionë nuk do të fluturojnë kurrë … Ata kurrë nuk do të jenë në gjendje të vihen në funksion nga askush,” tha ai.

Një video e postuar nga një reporter i Los Angeles Times tregoi se talebanët hynin në një hangar aeroporti dhe po inspektonin avionët amerikanë.

SHBA gjithashtu çaktivizoi sistemin e saj të teknologjisë së lartë të mbrojtjes nga raketat-të cilin e la pas po ashtu në aeroport. Sistemi C-RAM filloi të hënën për të kundërshtuar një sulm me raketa të Shtetit Islamik në aeroport.

Siç kemi raportuar më herët, luftëtarët talebanë në javët e fundit janë parë me një sërë armësh dhe automjetesh ushtarake të prodhuara nga SHBA. Këto fillimisht i ishin dhënë ushtrisë kombëtare afgane, por kur ato forca u dorëzuan shpejt, ato ranë në duart e talebanëve.

#Taliban fighters enter a hangar in #Kabul Airport and examine #chinook helicopters after #US leaves #Afghanistan. pic.twitter.com/flJx0cLf0p

— Nabih (@nabihbulos) August 30, 2021