Prokuroria mbylli hetimet, babai i Katsifas: Djali im nuk u vetëvra, sollëm doktor nga Janina për ta verifikuar

Babai i Kostandin Katsifas, Jani Katsifas ka folur pas përfundimit të hetimeve për vdekjen e djalit të tij, 3 vite më parë në Bularat të Gjirokastrës.

Ai shprehet se vendimi i dytë është me dy versione të ndryshme dhe kjo është arsyeja pse nuk beson në vetëvrasjen e djalit të tij. Jani Katsifas thekson se herën e parë u dol në përfundimin se djali i tij u vra.

“Nuk e besojmë që ai është vetëvrarë në asnjë mënyrë,. Keni vendimin e parë ditën e parë kur u vra. Na thanë merreni. Ne nuk e morëm. Sollëm doktor nga Janina.

Ai tha do verifikohet. Edhe nuk e pranuam. E di se çfarë thonë. Na lanë një letër që thotë vetëvrasje jo. Vrasje po. Kupton?

Ajo i thotë të gjitha. Na e dhanë në Gjirokastër kur vajtëm për të marrë djalin që na thonin merre menjëherë. Dhe nuk pranuam për ta marrë pa u bërë ato analizat”, u shpreh babai i Kostandin Katsifas.

Tre vite nga ngjarja e rëndë në fshatin Bularat të Gjirokastrës, ku Kostandin Katsifas, mbeti i vdekur me dy plumba kallashnikovi, prokuroria e Gjirokastrës ka pushuar hetimet për këtë çështje.  Prokurori ka dërguar një kërkesë në gjykatë duke kërkuar pushimin e procedimit penal.

Mediat greke janë të revoltuara me hetimin e prokurorisë shqiptare, që siç citojnë ata ka arritur në përfundimin e se minoritari grek kreu vetëvrasje. Prothothemashkruan se artikulli i shpërndarë në mediat shqiptare i hedh akoma më shumë benzinë zjarrit./m.j