Kryeministrja serbe: Nuk do ta nënshkruaja pavarësinë e Kosovës! E di se mund të humbim shansin historik për në BE, por…

Kryeministrja serbe Ana Brnabiç është shprehur se nuk do ta nënshkruante njohjen e pavarësisë së Kosovës.

Ajo tha se beson se është e mundur që të arrihet një marrëveshje historike mes Kosovës dhe Serbisë, por për këtë do të duheshin udhëheqës shumë të guximshëm dhe me vizion.

Sipas saj, Serbia do të humbiste një shans historik për anëtarësimin në BE nëse nuk do të gjente një zgjidhje afatgjatë për Kosovën, por shtoi se beson që ky shans nuk do të humbasë.

“Gjetja e një kompromisi që do të siguronte paqe dhe stabilitet të qëndrueshëm dhe rruga jonë evropiane janë në interesin e Serbisë, sepse ato do të sigurojnë që ne të vazhdojmë të forcohemi ekonomikisht. Është e mundur që ne të humbasim shansin historik për shkak të kësaj, i cili nuk do të na shfaqet përsëri për një kohë të gjatë. Megjithatë shpresoj se nuk do të ndodhë”, tha Brnabiç.

Back to top button
LAJMET E FUNDIT