Kosova e më gjerë është e jona, e jo djep i Serbisë

Nga Fahri Xharra – I nderuar lexues, qëllimi i shkrimit nuk është që unë të krenohem me Stefan Nemanin, por thjesht e me përgjegjësi të plotë shkencore dhe morale edhe t’i shkruaj letër, edhe para se të filloj me shkrimin për të cilin titulli ia tregon qëllimin, desha t’i përgjigjem Ministrit të Jashtëm të Serbisë, Jermiq, i cili dje në Paris, gjatë mbledhjes së UNESCO-s, ka kërkuar që kishat ortodokse në Kosovë të mos regjistrohen si Kisha të shtetit të Kosovës, por atij të Serbisë (?). Unë po shkoj edhe më larg, duke e lutur Z.Jeremiç, por edhe UNESCO-n, që të lexojnë studiuesin Pero Sljepçeviç, ku sipas Pero Sliepçeviçit është vërtetuar se nga numri shumë i madh i kishave të vjetra serbe, vetëm një pjesë fare e vogël e tyre i kanë ndërtuar serbët, emri i të cilëve është shkruar në to. Serbët nuk kanë pasur fare traditë të vetën as në ndërtimtari e as në art e kulturë (Stare Srpske Zaduzhbine, Beograd 1934). Manastiri i Graçanicës ekzistonte dhe kryente shërbimet fetare edhe para ardhjes së sllavëve në këto anë (V. Petkoviç, Pregled Crkvenih Spomenika, Beograd 1950). Duke bërë fjalë për banorët e pronave të Manastirit të Deçanit, Manastirit të Graçanicës, Patrikanën e Pejës etj., prona këto që shtriheshin në një territor shumë të gjerë, siç e tregon “Bulla e artë” e mbretit Stefan Deçan (1330). Dr. Rizaj do të na konstatojë se aty kishte vetëm shqiptarë. Pra nëse futemi pak më thellë në dokumente, do të shohim se ato kisha ishin shqiptare. Pra ne jemi aq të ndërgjegjshëm dhe krenarë me të kaluarën tonë, të cilën nuk e mohojmë… Pra nuk e mohojmë të kaluarën tonë. Serbët kanë tentuar gjithmonë të na përvetësojnë; dhe teksti: “i tërë rajoni është i banuar me serbë të albanizuar dhe me shqiptarë…(tout le district habite par des Serbes allbanises et des Albanais) është i marrë nga “Stara Srbija”, ku ortodoksët shqiptarë në ato vite paraqiteshin si serbë të shqiptarizuar. Ortodoksia nuk është e serbëve, ata i kyçën në të, dhe me kalimin e kohës e pas ardhjes së turkut dhe së bashku me turkun e përvetësuan krejt historinë kishtare ortodokse. Kur Stefan Nemani nga katolik u kovertua në ortodoks, atëherë serbët ishin shumë të “vegjël”./ZgjohuShqiptar.info